Puedes decargar el poemario de Rubén d´Areñes aquí:
http://www.bubok.es/libro/detalles/199018/Pequenu-Album-de-Familia
Estos son algunos de sus poemas:
Él yera, evidentemente, de lletres. Toles
veces que repasaba les llunares d´Ella perdía
la cuenta en mesmu sitiu.
***
Él siempres quixo casa y Ella pisu. Toa
negociación ye l´arte de ceder; a la postre la
cosa taba en si la personalidá d´Él se
suicidaba dende un quintu, o si la d´Ella se
tiraba cinco veces dende una planta baxa.
***
De la que s´abracen Ella failo con un
brazu namás. Col otru abrázase Ella mesma
y siéntese protexida al 50%.
***
A Él presta-y cudiar la so imaxe, pero
más inda la d´Ella. Sabe que les muyeres van
xulgalu pola apariencia (de la so pareya).
***
Un día, Él interésase pol tamañu de les
mingues de los ex d´Ella. Ella sorríe y sáfase
insatisfactoriamente la respuesta. Al otru
día cenen salchiches y Él usa tenedor y cinta
de midir.
No hay comentarios:
Publicar un comentario